لو كان هاوس غزاوياً

يمسيكم بالخير و السعادة
يعني من فترة طويلة و انا فبالي الموضوع، بس بنفس الوقت مش متأكد من فايدة الحكي فيه…
مع الشكوى المستمرة و غير المنقطة من الجهات الصحية في غزة لعدم وجود الأجهزة و المعدات و الأدوية و غيرو و غيراتو، بتحس إنو الجوامع ما وقفت تنبني، بشكل يومي بتشوف أعمال الصيانة و البناء و إعادة البناء للجوامع، ما تفهموني غلط ، الله يرضى على الناس اللي بتبني الجوامع و يكرمها، بس أي حد من أي منطقة في غزة ممكن يأكد إنو بقدر يوصل مشياً لـ علقليل تلت جوامع !!
بتهيألي لما يصير فيه كفاية بالجوامع ممكن المتبرع يفكر بصرف أمواله بالخير إنما بمكان تاني…خليني أقترح مستشفى ولا جهاز مهم ممكن يساعد المرضى؟؟!
و إشي تاني…إيش موضوع  محلات الصرافة ؟
يفضح حريش اليهود قد ما فيه محلات صرافة بغزة…من كتر المصاري و الدولارات اللي بنصرفها ولا هي طريقة سهلة للربح فكتر منو ؟
نهايتو…لو معك مصاري و بدك تعمل خير…
شوف إيش الإشي اللي ممكن يفيد الناس أكتر، و أولاً و أخيراً الأجر عند الله مش عند حد تاني !